ibnhujjah
HADARIN FATAWA {4}
SIFFOFIN MAI FATAWA
SANIN HALIN MUTANE DA AL’ADUNSU:-
Wannan wata sifface mai matuqar mahimmanci ga mai fatawa, ya san halin mutanen da yake rayuwa a cikinsu da sassabawar ta’adojinsu, da yanayinsa, domin sune za su riqa yi masa tambayoyi shi kuma ya riqa basu amsa wadda ita ce “fatawa”.
Wani lokaci ana iyama malami mai fatawa tambayoyi biyu iri daya amma amsoshinsu su banbanta domin sanin halayen mutane da su kai wadannan tambayoyi masu kama daya amma da mabanbantan amsoshi.
DOGARO DA KAI A RAYUWA
Tabbas ana buqatar mai bada fatawa ya zamo mai dogaro da kansa don kar ya zama karen farautar wani, ko makamin wani, ko mai gadin wani, domin in hannu ya amsa, baki kuma ya ci, to dole ido ya ji kunya. Shi yasa wata rana aka ga Babban Malami Sufyan al-thauriy a kasuwa yana qirga kudinsa bayan ya gama cin kasuwa, sai aka ce masa: Har da ku malam!? Sai ya ce: ai badan wadannan ba {kudi} da ‘yan duniya sun maida mu {malami} tsimman share majina. Sannan. Babban Malami Ibnul – uthaimen ya kasa malamai zuwa gida uku:-
1- Malaman talakawa, masu son talakawan gari su yarda da dasu, su so su.
2- Malaman hukuma, masu son shuwagabanni su yarda da su, su riqa basu kudi.
3- Malamai na addini na Allah, wadanda suka tsayu da kansu akan gaskiya, Allah kawai suke buqatar ya yarda da su. Allah ka samu a cikinsu.
Allah Ya hada mu a gaba.
Rubutawar:
Basheer Lawal Muhammad Zaria.